SERE VOU-ROSIE SOQETA-CALA CAVA BEKA.
Written by Mika Qalobula on January 2, 2024
ROSIE SOQETA-Oqo na Goneyalewa,ka kilai levu sara ena noda vanua,ka vaka talega kina mai vanua tani ena buturara ni veivakamarautaki se dau lagasere,ka vica talega na nona Sere e vakatagitaki tiko yani ena nomuni sala ni kakaburaki na Viti Fm.
CALA CAVA BEKA-Oqo na yaca ni Sere,ka se vola sara na kena i talanoa o Tuks Tuimaba ena yabaki 2021,ia me vaka ni a sega ni laki yaco sara nai naki levu ni kena buli na sere oqo,ka sa qai kerei ROSIE SOQETA tale o Tuks Tuimaba me vakavoutaka tale mada me rawa ni yaco nai tukutuku,ka gadrevi tiko me vakadewataki ena i talanoa ni Sere oqo.
Oqo na kena Sere e dua na veiwatini,ka talanoataki na nona a biuti rau na nona veitinani na Turga oqo,ka laki vakawati tale,ka sa qai mai dede voli na nodrau tiko na veitinani kei na nodrau vakanananu me na lesu tale mai na tamadrau lomani.
Ena so na gauna e sa dau vuki tarogi Tinana na nodrau i solisoli se na gauna cava ena qai lesumi rau tale yani na turaga na tamadrau lomani,qai dau kena i sau tuga vua na Marama oqo na tuturu ni wainimatana,ia ka mani yaco dua na gauna me sa vakila na marama oqo na tauvimate,ka mani gole sara yani me laki laurai e valenibula.
E qai mani mai ka ni rarawa vua na Marama oqo ni vakaraitaki mai vei koya e valenibula ni tauvimate e sa laurai tiko vua ena vakavuna me na vakalekalekataka kina na nona bula ena dela ni vuravura oqo,ka sa mani mai nona vakanananu na Marama oqo me sa buli na Sere oqo me rawa ni vakadewataki nai tukutuku vua na Turaga na Watina,ke sa mani yaco na gauna me sana kacivi kina na nona bula me qai yalo vinaka me qai dau nanuma na luvedrau.
VITI FM 92/92.2/92.4/92.6-E KAMICA QAI KACHI!
I VUREVURE-ROSIE SOQETA.
