SERE VOU-SA RAUTI AU-THE WEST FIJI
Written by Samuela Turagatani on May 24, 2024
THE WEST FIJI-Na matasere rogolevu sara e na noda vanua, ka kena i liuliu tiko ko Suliasi Uluilakeba,ia na sere vou oqo na “SA RAUTI AU” e vola ga ko Suliasi Uluilakeba, ka katona talega e na volau ni katokatoni na Baka Production Fiji.
SA RAUTI AU-Oqo na kena i talanoa e dua na gone yalewa dau sotava voli na rarawa tekivu mai na loma ni 7 na yabaki ni nona vakamau, ka sotava voli e veisiga na rarawa kei na loma ocaoca mai vua na turaga na watina.
E vuqa na gauna me dau mateni mai na watina me qai mai mokuti koya voli e na loma ni nodrau vale ni vakamau, so na gauna dau tarai Goneyalewa oqo na mavoa bibi ka vuna me lai curu sara kina e valenibula, ka sa yacova mai e dua na draki ni bula me sa tukuna ki lomana, SA RAUTI AU mada na bula taka na bula oqo, sa vosota, ka vosota sa Sega ga na veisau ena loma ni 7 na yabaki.
E suka yani na watina e na dua yakavi sa vadaberi koya ka kaya vua, na ka vinaka kece dau solia tu na Goneyalewa qoka, na gauna , na i yau, na veiciqomi, na dina kei na vinaka sa na yala toka mada eke.
E sega ni qai taura vakabalavu na gauna ka sa tara nona kato I sulu ka sa lesu tale ki nodratou.
VITI FM:92.2/92.4/92.0/92.6 FM-E-KAMICA-QAI-KAJI
I VUREVURE:SULIASI ULUILAKEBA
Reader's opinions
Continue reading
![Thumbnail](https://vitifm.com.fj/wp-content/uploads/2024/05/Screenshot-2024-05-27-223134.png)
![Thumbnail](https://vitifm.com.fj/wp-content/uploads/2024/05/Screenshot-2024-05-24-111617.png)