SERE VOU-SEGA NI RAWARAWA-JONE TALEMAINAIVALU

JONE TALEMAINAIVALU-Na turaga kilai levu sara e na buturara ni veivakamarautaki e na lagasere, ka vuqa sara na nona sere ko ni sa dau rogorogoca tiko e na nomuni sala ni kakaburaki na Viti Fm.

SEGA NI RAWARAWA-E buli walega na sere oqo me kena i vakananumi ni Matavuvale nei Mr Cavurau Kurodrega kei Ma Kurodrega na nodratou tu veiyawaki tu vaka veitamani.

E rau cakacaka ruarua tiko nai tubutubu mai Ositerelia, ka ratou tiko voli ga e viti e tolu na nodrau I solisoli.
Ratou qaravi tikoga mai Savusavu , Nagigi nai solisoli na vanua e drodro mai kina na wai ni sucu (koro ni vasu). Sere me talanoataki ga na kena rui dredre na nodratou tu veiyawaki ka ni yabaki ni bula ni luvedrau e se yabaki ni bula ni gone me susugi e ligai I marama Tina. Yabaki 5 na ulumatua Asena Naivoha, tarava o Salanieta Koroibola yabaki 4 ka gone duadua o Kitione Natoga e yabaki 3.

E se liu ki Australia na marama na tinadratou ka se vo sara tikoga e vica na macawa me yabaki 1 na nodrau I tini Ena yabaki 2022 ka qai muri yani o Tamadratou ni oti tikoga e 5 na vula, E na yabaki talega 2022.Nona biubiu mai o tamadratou e Sega madaga ni ratou kila na gone na nona lako I Nadi me lai vuka takoso baleta ni kila o koya ni na dredre na nodratou veitalatala.

E duri tu e na loma ni airport raica tu o Cavurau nodra lai talaci tu na nona tokani kei Ira na nodra dui matavuvale qai mositi koya ni ratou tu ga yani I vale na gone sa gole mai ko koya ,e na dua wale ga nai naki me rawati ga na veisasaga eso me vueti cake kina na vuvale.

E na veisiga ratou veirogoci tuga e na wa ni vosavosa, ka dau mositi rau lo tu nai tubutubu e na veisiga ni dau voqa na domodratou e na talevoni, ka dau nodrau I tatau tu ga nai tubutubu vei ratou na gone me ratou dau talairawarawa ga vei iratou na qase me na dede na nodratou bula e na vuravura oqo.

VITI FM:92.2/92.4/92.6/92.0 FM-E KAMICA QAI KAJI

I VUREVURE:JONE TALEMAINAIVALU