SERE VOU – SOBO LELA – MALUMU NI TOBU KEI NAIVAUKURA.
Written by Mika Qalobula on November 22, 2022
‘MALUMU NI TOBU KEI NAIVAUKURA’-Na matasere rogolevu ena noda vanua ka liutaka tiko o Jio Vetaukula ka vuqa na nodratou sere e katoni ena yabaki oqo,ka dau taleitaki sara vakalevu.
‘SOBO LELA’-Oqo e dua na sere vou ka se qai tavoci sara tiko ga ena bogi nikua ena porokaramu na ‘NEW BORN’,ka talanoataki kina na bula nei Tilau Lela,e dua na marama ni Nakelo mai Tailevu ka vakaitikotiko mai na vanua levu o Igiladi.
Na marama oqo e a qai laki maroroi ira tu e vica na cauravou ni Yasana vakaturaga o Naitasiri ka ra a lako yani enai lakolako me ra lako lewena na matataivalu ni Bolatagane, ka donuya tu na gauna e tarai vuravura tu kina na mate na Covid- 19.
E sega vakadua ni vakacauoca ena nona qaravi ira tu ena gauna ni lockdown,me yacova sara ni sa oti na lockdown balavu oya.
Sa qai yaco na gauna me ra laki recruit taucoko kina, ka mani ra nanuma me buli walega e dua na sere me i vakananumi ni veiqaravi levu e a cakava tu vei ratou.
VITIFM 92.2FM,92FM,92.6FM
VITIFM – E KAMICA QAI KACHI!!!
SOURCE – JIO VETAUKULA
