SERE VOU-ST VINCENT COLLEGE-BACKSAND WAVES

BACKSAND WAVES-Na matasere oqo e kena i liuliu tiko ko Mikaele Qalobula, ka veiqaravi tale tikoga e na vakacabesiga e na nomuni sala ni kakaburaki na Viti Fm, na turaga oqo e cavu tu mai Sawakasa, Dakuinuku mai Tailevu, ka lewena tale tikoga na matasere oqo ko Sauma Masidilo e dua ka kilai levu talega e na buturara ni veivakamarautaki e na lagasere.

ST VINCENT COLLEGE-Na sere vou oqo e katona ko Freddy Suka e na volau ni katokatoni na DEGE STUDIO, ka qai biutavata na kena i yaloyalo ko Rupeni Waqavono 21VOID VIDEOGRAPHY. E bulia na sere o Mr.Petero Vereakula na Turaga ni Waitabu,Bouma,Taveuni ka Qasenivuli mai Natovi e na 1985, ka bulia talega kina na sere oqo.

E  qai bulia tale e rua na qaqana o Mikaele Qalobula koya lagati tiko e loma, me rawa ni bau via balavu kina na sere oqo

E ratou dau laga tu ga na Matasere na Natovi Junior Secondary Serenaders, ka nanumi meu sa katoni,me vaka ni dau sega tiko na sere kei Natovi e na gauna ni Zone

Na vavinavinaka kina  NOSA – Natovi Old Scholars Association e na veivuke levu, ka vaka kina  vei Fr.Filimoni Vosabalabu , na Turaga Bete liuliu e na kena soli na Koronivuli kei na koronilotu e na kena laki tabaki na i yaloyalo, kei na sevutaki ni sere e na macawa rua  sa oti.

Lagalaga I cake -Mikaele Qalobula
2nd – Mikaele Qalobula
Vakababa(laga I ra)- Sauma Masidilo.

VITI FM:92.2/92.4/92.0/92.6 FM-E KAMICA QAI KAJI

I VUREVURE : MIKAELE QALOBULA