SERE VOU – TAVALEQU – VESI KEI NAIRIKILAGI
Written by Rosena Volavola on September 28, 2022
‘VESI KEI NAIRIKILAGI ” Oqo na matasere ka liutaka tiko o Joe Matai, ka taleitaki sara tiko na nona sere me vaka na ‘NOQU DAULOMANI’ ka levu sara era marautaka ena nodra dau vakamurimuria ena TIK-TOK kei na nodra vakasarava ena You-tube.
“TAVALEQU,- Na sere qo e talanoataki kina e 2 na veitavaleni, ka rau marama ruarua ni Malolo levu. E rau kena dau sara ena gunu yaqona na veitavaleni qo, ko Sainiana kei na tavalena, ka rau dau gunu yaqona mai na yakavi caca me yacova na mataka caca, ka dau gole mai na dui watidrau me ratou veitomani, ia, rau dau dro tale na watidrau ka rau se dau tabaka ga na veitavaleni.
Ena so na gauna ni rau dau maca mai ena dua na vale, rau dau tini tale kina so tale na vale ka kena kaukauwa ni rau sa dau sogo katuba ena nodrau dui veivale ka rau dau davo tu ga ena Baba se Vada. (qo na vale ka dau tara toka ena yasa ga ni nodra dui vei vale ka ra na kila vinaka o ira ena veiyanuyanu lalai).
Sa toso na gauna kei na nodrau rai lesu, ka rau vakananuma na nodrau veigauna makawa, ka rau nanuma me buli e dua na kedrau sere mei vakananumi walega ni gauna oya, ka sa yaco talega na gauna me sa kauti Sainiana kina na watina kina nona koro, ka sa qai dua bulu walega na nona i tatau vei tavalena ka vaka ” Moce vaiavi me kua na tarakeba i vada” se yalo vinaka sara tavalequ lai moce vakayakavi mo kua ni na moce kina i tuba”
E katoni na sere qo ena domo ni vakatagi totoka nei Freddy Sugar ena Bravo 2 Zero, kei Paul Naqarase mai na Crew Production ena kena tabaki na i yaloyalo, ka vaka talega kina na vakavinakavinaka levu vei Rosie Soqeta.
E rawa ni o rogoca talega ena VITIFM 92.FM /92.2FM/92.6FM
VITIFM E KAMICA QAI KACHI !!!!
SOURCE: JOE MATAI
.
