SERE VOU-THE WEST FIJI-DIVA MEA SE KUA
Written by Samuela Turagatani on February 21, 2025
THE WEST FIJI-Na matasere rogo e na noda vanua, ka liutaka tiko ko Suliasi Uluilakeba, ka vuqa sara na nona sere e taleitaki sara vakalevu e na noda vanua kei na veiyasai vuravura, na sere vou oqo e vola ka katona ga o suliasi uluilakeba e na BAKA PRODUCTION.
DIVA MEA SE KUA-Qo na kedrau i talanoa lekaleka e rua na veitau… Rau veikilai ga mai ena i volamata Tokatoka o Cauravou dua na lomani siga ni yabaki 2024 sa va bula tu yani vua e dua na gone yalewa ena Nona i Volamata.
E rau mani vei vabula taki sara ka rau mai veikilai yaca. Toso tiko na veivolavolai e veisiga vaka me sa kamikamica ni levu ga na gauna rau veiwali toka na rua qo. Yaco me rau sa lai sota sara ena lomai Nadi, ka Toso tiko na kamica kei na taucoko ni nodrau bula ni veitau na rua qo…..sa lakolako sa lai siqema o cauravou ni sa tekivu veisau malua o goneyalewa. Sa so na gauna o cauravou sa laki rogoca tiko mai tuba e so nai talanoa kei goneyalewa na ka e cakava vunivuni tiko. Vovoleka toka ni cava na yabaki 2024 dua na yakavi sa sega ni qai tiko dei o cauravou me tarogi goneyalewa Se e dina beka na ka era kaya tiko na so.??? Se sega.
E qai sauma tikoga o goneyalewa me kua ni dau rogo i talanoa lasu me kua ni vakauta se vakelia mai e so na ka ena mai vuna nodrau tiko yavavala. Tekivu ni yabaki 2025 sa yaco na kaci vei Cauravou me laki tosoya nona veiqaravi ena vanua e cakacaka tiko mai kina e vanua tani ,Ka rau mani veitataunaki vinaka sara ni bera nai golegole Oti toka ga e 2 na macawa qai kidacala o cauravou ni dolava yani nonai volamata sa raica nai taba nei goneyalewa kei karuana ni rau sa davo vata toka
E sega ni lewa rawa na cauravou qo na ka sa bika na yalona ena kena mosi ka sa sega ni lewa rawa na drodro yauyau ni wainimatana ena veika sa mai toboka. Mai na gauna lekaleka walega rau veikilai kina qai kaya na cauravou ni yasayasa qoka ni sa vaka ga e vayabaki tu vua, baleta nia soli bula kina, nona gauna,nona i yau qai mai vakatawayaga taka na goneyalewa totoka qo ni vualiku. Sa oti e rua na macawa qai qiri lesu o goneyalewa Vei cauravou me kerea nona veivosoti ena veika sa mai yaco…qai sauma lesu na qiri na cauravou qoka 👇🏾 Oqo na i otioti ni ka qai tukuna o cauravou vei goneyalewa👇🏾
“NOMU BULA QAI LEWA AU SA YALA EKE LEWA AU A DIVA DINA MEA SE KUA GA VAKALUSIA KECE TU NOQU GAUNA “
VITI FM:92.2/92.4/92.6/92.0 FM-E KAMICA QAI KAJI
I VUREVURE:THE WEST FIJI
