SERE VOU-TOSO-TUNITE FT LEBA X HANNAH
Written by Mika Qalobula on January 16, 2025
TUNITE FT LEBA X HANNAH-Na matasere rogo e na noda vanua, ka vuqa sara na nodratou sere ko ni sa dau rogoca tiko e na nomuni sala ni kakaburaki na VitiFm.
TOSO-Na sere oqo e vola ko Steven Vereakula, ka qai biutavata na kena i rorogo ko Jerome Tauleka.
E vakatoka oqo na qaqa ni sere:
Ulunivanua mo na toso
Era vosataki iko tu ga
Me tao na nomu sasaga
Mo kua sara ni kauwaitaka
Iko toso tikoga
Laiva mera vosa
Mo kua ni vakawelewele
KIdava tiko mo kua ni rere
Ke mani ko sotava na dredre
Rai tikoga ki liu kua ni malele
Ulunivanua mo na toso
Mo kua vakadua ni ko soro
Meca kece sara e ra wanono
Mera sarava nomu toso
Ni liwa mai na cava mai wai
Kua ni yalo lailai
Vadugu ni ua mo kua ni rawai
Toso tikoga mo na yaco ki tai
Vkabauta mo yacova
Na nomu tatadra kece sara
Cakacaka tikoga e na qai vakavotukana
I na wekaqu mo nanuma
E dua bau walega na bula
Vakayagataka nomu gauna
Vakadeitaka nomu i tuvatuva
Yate dei kua ni vakasesei
Yadra tiko kua ni vakawelei
Se ko cei e na duri e mataqu
Rai ki lagi tacake e na masu
VITI FM:92.2/92.4/92.6/92.0 FM-E KAMICA QAI KAJI
I VUREVURE:TUNITE
