SERE VOU-UCU NI VANUA-MATASERE-SALUSALU DOMONI KEI NAULUVATU

SALUSALU DOMONI KEI NAULUVATU-Na matasere rogo levu sara e na dua na gauna i liu ,ka vuqa sara na nodratou sere vou o ni sa dau rogorogoca tiko e na nomuni sala ni kakaburaki na Viti Fm. Na matasere oqo e kena i liuliu tiko o Stee Yabakidrau ,ka cavu tu mai na loma ni Koro ko Namacu, Koro mai Lomaiviti.

UCU NI VANUA-Na talanoa ni sere oqo me baleta saraga na nodrau a veidomoni voli mai e dua na Cauravou kei na dua na Gone Yalewa , ia e vola ga na sere vou oqo ko Stee Yabakidrau e na gauna e cakacaka voli kina e na dua na vale ni danisi e na koro turaga ga oqo e Suva. E na dua na gauna e na nona cakacaka voli o Stee e na vanua ni veivakamarautaki, ka qai dau donumaka tiko na nodrau dau gole tiko yani o rau na veitau oqo me rau dau lai gunu kina, ka sa veikilai vinaka sara o rau na veitau kei stee.

E na dua na bogi , e qai kidacala o stee ni sa gole duadua tu ga yani o Cauravou me lai gunu ka sa yali o Gone yalewa , e na balavu ni gauna e gunu  duadua tiko kina o cauravou ka sa vaka me tarai koya na mosi ni yalona e na nona sa mai biuti koya o nona daulomani, ka nanuma kina o Cauravou me sa na wasea vei Stee na veika e lako curuma tiko .E na gauna sa mai ciqoma kina o Stee na veika e lako curuma tiko o Cauravou, e sa dua na ka na nona lomani cauravou.E qai kerea o Cauravou vei Stee me bulia e dua na kedrau sere kei gone yalewa, ka qai vakaraitaka tale o cauravou vei Stee ni sega ni na sauma rawa na kena i sau vaka i lavo , ia na wai ni matana ga sa drodro tu qo me qai bau wilika walega me i sau vaka i lavo ni sere. E na gauna sa rogoca kina o yalewa ni sa buli tiko na kedrau sere kei Cauravou, e tarai koya e dua na mosi ni yalo e na veika e mai vakayacora vei cauravou , ka qai kerei Stee walega me kua ni biuta na yacadrau ka me biuta ga na yaca ni nodrau vanua.

VITI FM:92.2/92.6/92.0 FM-E-KAMICA-QAI-KAJI.

I VUREVURE: STEE YABAKIDRAU.