SERE VOU – UKU NA LOA – VOQA KEI MUNIA

”VOQA KEI MUNIA”-Na matasere oqo e liutaka tiko o Josateki Wainiqolo na cauravou ni Avea,Vanua Balavu mai na Yatu Lau,ka sa vakaitikotiko tu mai na vanua levu o Amerika ena gauna oqo.E vica na nona sere ka taleitaki sara tiko vakalevu me vaka na ‘TEI SA KADRE,TAVAKA kei na vuqa tale,ka dau vakatagitaki ena VITIFM.

‘UKU NA LOA’ – Oqo e dua na sere vou ka vola ko Josateki Wainiqolo,ka katona na matasere na ‘VOQA KEI MUNIA’,ka talanoataki kina na nona bula o Terence Peters,e dua na Turaga ni Samoa,ka vasu ena koro ko Najia,Viwa mai na Yatu Yasawa.

E dau kilai tale ga na Turaga oqo ena yaca na Terry,ka a mai kacivi na nona bula ena i ka 2 ni siga ni Veverueri,ena 3 na kaloko ena matakalailai(3am).E a dua vakacaca na yabaki na nona davo voli tu mai ena vuku ni tauvimate,ka a tekivu ga mai yavana,ka vakavuna sara ga me sega ni lako rawa tu kina.

Na Turaga oqo e a sucu enai ka 22 ni siga vula ko Okosita ena yabaki 1979,ka 2 na luvena tagane,o Danny kei Noa,ka vuli oti ena koronivuli ena Marist Brothers High School,ka yacai marama na watina ko Sala,ka sa qaravi rau liga dua voli tiko na nodrau i solisoli ena gauna oqo. 

E katoni sa sere oqo ena volau ni katokatoni na Raven Studio ena domo ni vakatagi totoka nei Isireli Gumatua.

VITIFM 92.2fm,92.6fm kei na 92fm.

VITIFM-E KAMICA QA KACHII.

Source-Josateki Wainiqolo.