SERE VOU-UTO NI DODOMO-CAKAU NI MANA KEI ULUINAVIRIVIRI.
Written by Samuela Turagatani on July 29, 2024
CAKAU NI MANA KEI ULUINAVIRIVIRI-Oqo na Matasere,ka kilai levu sara ena noda Vanua,ka kena iliuliu tiko o Joseva Levu na Cauravou ni Tawake mai Vanua Levu,ka vuqa sara na nona Sere e dau vakatagitaki tiko yani ena nomuni sala ni kakaburaki oqo na Viti Fm.
UTO NI DODOMO-Oqo na kena i talanoa e dua na Cauravou ni Tawake mai Cakaudrove me baleta na nodrau a mai sota kei dua na goneyalewa ena Vuli torocake ena Univesiti Ni Ceva Ni Pasivika.
Maravu na kena sokotaki tu na nodrau waqa ni dodomo ena gauna ni vuli,ia ni mai cava na vuli e tauri vola sara o Cauravou,ka qai lesi tale me laki veiqaravi vaka Qasenivuli ena Koro nei goneyalewa.
Toso na bula ni veiqaravi vakaqasenivuli ena koro nei goneyalewa e kea sa qai laki rau veikilai sara vakavinaka,ia e qai mani mai kani rarawa ni a qai laki lasama tale e dua ga na wekana dina o Goneyalewa.
VITI FM 92/92.2/92.4/92.6 FM-E KAMICA QAI KACHI!
I VUREVURE-JOSEVA LEVU!
