SERE VOU-VEIBOLEI-KULA DOMONI TAGIYAWA
Written by Samuela Turagatani on November 14, 2024
KULA DOMONI TAGIYAWA-Na matasere rogo e na noda vanua, ka vuqa sara na nodratou katokatoni ko ni sa dau rogoca tiko e na nomuni sala ni kakaburaki na Viti Fm, na matasere oqo e liutaka tiko ko Sekonaia Cama, ka biutavata talega na i lagalagala ni sere qo na “VEIBOLEI”, ia e ratou qai mai katonavata na sere oqo ko Lesia Amavere, Metui Saboboke kei Tavimeleki Waqatini.
VEIBOLEI-Oqo na talanoa ni nona sasaga e dua na cauravou ni kumi, Verata, Tailevu. E yacana o Eroni Qionimacawa .E susu ligaiduataki mai na turaga qo e na nona susugi cake mai .
Na gaunisala dredre e lako curuma mai e na nona saga na tiko vinaka, ka sa mai vavuvale sara ni oti e 23 na yabaki rau sa qai mai sota kina vakadua e na i matai ni gauna kei na nona tubutubu turaga se tamana.
Na luluvu ni lomana ka vuki taroga se cava beka a vuna nona kaliraki mai kina vei tamana ni se lailai mai me yacova na gauna sa lai vavuvale tu kina, Ia rau sa mai vavuvale kei Raijieli Naqiri e goneyalewa ni Lau ka sa rua toka na luvedrau ka rau tagane ruarua.
E toso tiko na nona sasaga me yacova ni sa takoso rawa I Aussie e na konitaraki yabaki 4 ka mani kerea me sa vulici mada e dua na kena sere ni sasaga e a sasaga voli mai kina. E dua na qaqani sere e vaqo ne ‘ E i sau levu na loloma io e i sau levu talega na vosota”.
E tukuna o koya ni vanua e sa laki toka kina ya sa vosota saraga, ka sa dua na ka na levu ni nona vakavinavinakataka vakalevu na kalou e na nona veisausaumi vakadodonu tiko ni da sega ni guce e na vosota tiko na sasaga vinaka.
VITI FM:92.2/92.4/92.6/92.0 FM-E KAMICA QAI KAJI
I VUREVURE:KULA DOMONI TAGIYAWA
