SERE VOU-VEIDIGIDIGI-SALUSALU DOMONI KEI NAULUVATU
Written by admin on January 26, 2023
SALUSALU DOMONI KEI NAULUVATU-Oqo na matasere ka cavu tu mai Nakodu Koro Lomaiviti ka veiliutaki tiko kina ko Sitiveni Yabakidrau.
VEIDIGIDIGI-Na sere oqo e sa buli tu mai ni bera na veidigidigi ena yabaki 2018,ka nanumi kina ni sa tara kina na matanitu na i soqosoqo ka veilitaki tiko kina na Prime Minister ni noda vanua ena gauna oqo ko Hon.Sitiveni Ligamamada Rabuka,ka a se liutaka tiko kina na i soqosoqo na SODELPA ena yabaki koya.
Ia,e mani qai sevatani ni a qai sega ni donu na madigi,ka sa mani tauri tu kina vakawawa na sere oqo me yacova na gauna eratou sa rawata kina na nodratou i dabedabe ena veidigidigi levu ena yabaki sa oti.Ka sa mani qai nanumi me katoni tale kina na sere oqo me baleta saraga na i soqosoqo e 3 ka ratou sa cokovata oqo ena kina cicivaki na noda Viti ena 4 na yabaki oqo.
Na sere oqo e baleta saraga na vakanuinui vinaka levu vua na Prime Minister Hon,Sitiveni Ligamamada Rabuka ena nona veiliutaki ena loma ni 4 na yabaki sa tu qo e matada,kei ira kece sara na veiliutaki tiko qo ena noda matanitu.Ka da sa nuitaka na lewenivanua ni na dua na veiliutaki era na yalomalumalumu ka rokova na kalou na i liuliu ni noda matanitu kei ira kece sara na liga ni veiqaravi no noda matanitu,ena gauna ni nodra veiqaravi ena kena rawati na bula sautu kei na bula marau ena noda vanua.
VITIFM 92.2FM/92.6FM/92FM.
VITI FM -E KAMICA QAI KACHII.
