SERE VOU-VIRI LESU-HQ BAND

HQ BAND- Na matasere oqo era lewena tiko na gone I Taukei e Niusiladi, ka tauyavu e na yabaki 2015 e na koroturaga levu e Niusiladi ka dau kilaitani tu o Wellington. E kena i liuliu tiko o Paula Tabua ka ratou lewena tale tikoga  na matasere oqo e na gauna oqo ko Josese Atama, Marika Muatabu vata kei Uraia Cokanauto.

VIRI LESU-Na sere na “Viri Lesu” e katoni ga e Wellington ka mai biutavata na kena vakatagi ko Waisea Tikomailepanoni Rogoyawa. Na sere oqo e talanoataki tikoga kina e dua na cauravou ni samoa na nona dau vakananuma lesu na matai ni gauna e a raica kina nona sui ni saresare.

E sotava na cauravou oqo e dua na goneyalewa ni Gau e Okaladi qai vaka me veilecayaki baleta ni se qai matai ni gauna me vakila kina ni vaka e tara sui na nona domona na goneyalewa ni Gau oqo, ka lai yaco sara me rau sa lai vakawati sa toso sara na gauna qai vaka e vakila na cauravou ni vaka i kabakaba na kamikamica nei goneyalewa oqo ni sa mai toso vinaka sara na nodrau vuvale, ka levu na dredre e lako curuma na cauravou oqo e dau tu vinaka tu ga e yasana na goneyalewa oqo ka sega ni veivutunitaka kina na cauravou oqo na tavuki ni utona e na matai ni gauna a sotava kina na goneyalewa oqo.

VITI FM:92.0/92.2/92.4/92.6 FM-E-KAMICA-QAI-KAJI

I VUREVURE:HQ BAND