SERE VOU-VOLI GAUNA-MR SAM FT INDIGO & YAWABAND FIJI

MR SAM FT INDIGO & YAWABAND FIJI-Na matasere oqo e se matasere vou ka sa qai matai ni nodratou sere na sere oqo na “VOLI GAUNA”, ka kena i liuliu tiko ko Sam Kurukitoga e cavu tu mai na loma ni koro ko Naloto, Verata mai Tailevu, ka lagatavata na sere oqo kei Ernest Ofu na cauravou ni Solomone. E rau vola talega na i talanoa ni sere oqo ko Sam Kurukitoga  kei Ernest Ofu.

VOLI GAUNA-Na sere oqo e buli walega me baleti dua na tagane ka gadreva sara vakalevu kevaka me rawa ni Voli Gauna tale mada vakadua me rawa ni lesu tale kina vei koya na yalewa ka rau veidomoni vata mai e na i matai ni gauna.

Na goneyalewa oqo rau a tekivu vata mai e na dela ni veitokani ka yacova me rau sa lai veivinakati ka veidomoni sara, io qai mai cala ka lusi wale kece na dodomo oya baleta ni rau se gone ka se tu na lewa kei na gagadre ni nodrau dui tubutubu me rau vakayacora me vaka na kena sagai me toso vinaka na vuli kei na kena rawa na cakacaka.

Sa oti na vuli, tekivu na cakacaka, rau sa qai mai dui taura nodrau gaunisala ni bula me yacova na gauna rau qai mai sota tale kina ni rau sa dui vakawati ruarua.

E  marau na yalodrau ni dede rau qai sota io qai mai mosi na yalo I tagane baleta ni a nona madigi donu sara tuga ni vakawati o yalewa, ka sa qai mai diva wale o koya kevaka me rawa ni Voli Gauna tale mada, e  na nona vakasama o tagane kei na gagadre ni yalona, kevaka me qai mani mau dina me Voli Gauna, e vinakata o koya e na loma ni gauna sa volia ya, me kua tale ni dua na tamata me bula kina me o koya ga kei yalewa, baleta me kua na vosa, sega na lewa me vakamuri, ka sega talega na ka me tarova se me na tawasei rau rawa mai na dodomo oya.

VITI FM:92.0/92.2/92.4/92.6 FM-E-KAMICA-QAI-KAJI

I VUREVURE:SAM KURUKITOGA