SERE VOU – VOTOKI AU NA MOSI – VOQA KAMICA KEI NAKARIA.
Written by Mika Qalobula on April 22, 2022
E dua na nodratou sere vou na matasere na ‘VOQA KAMICA KEI NAKARIA’,ka liutaka tiko o Sam Vurai mai Yako mai Nadroga,e taleitaki sara tiko ena gauna oqo,sai koya na sere na ‘VOTOKI AU NA MOSI’.
Na sere qo me baleta nona mosi ka tarai koya e dua na cauravou,ena vuku ni veika e yaco kina nodrau bula ni vuvale.
O Simione Nasali,e cauravou ni Momi, ka vakawatitaka e dua na goneyalewa ni Qalaka,Savusavu o Susana Tuidraki,ka rua tiko na luvedrau tagane rairai totoka.
E cakacaka tiko o Simi ena na Korovou Echo Lodge e Yasawa,ka veiqaravi tiko o o Susana ena Rustic Pathway e Momi, ka rau mani laki veidomoni lo voli tiko kei na dua na cauravou.Na kaukauwa ni nodrau sa veidomoni lo tiko qo,e yaco sara ga ni rau veidrotaki ka ratou sa biu tu yani na veitamani.
E rawa nio na rogoca na sere qo ena VITIFM 92.2FM,92FM kei na 92.6FM.
