SERE VOU-VUGOQU-TEBARA VIBES
Written by Samuela Turagatani on June 13, 2024
TEBARA VIBES-Na matasere rogo e na noda vanua ka kena i liuliu tiko ko Emosi Diani,ia na sere oqo na “VUGOQU” e rau ka lagatavata kei Saiasi Koroi Vunisasari, ka katona ko Freddy Sugar e na volau ni katokatoni na Dege Production Studio.
VUGOQU-Na sere oqo e vola ko Emosi Diani me baleti na vugona ko Jiare Karalo Kepueni ,na gone oqo Jiare e cavu tu mai na koro ko Motusa mai Rotuma ka vasu e Lomanikoro mai Rewa, na sere oqo e bulia walega ko Emosi me nona i loloma vei vugona e na nona mai cabeta na i matai ni yabaki ni nona bula.
E da na kila vinaka kevaka meda na gole e na dua na siga ni sucu ,e dau noda i tovo tu na soli loloma vei koya e marautaki na nona mai cabeta e dua tale na yabaki vou ni bula, ia me vaka ni turaga dau lagasere ka rawa talega ni vola i talanoa ni sere ko Emosi Diani ,e nanuma kina me na solia vaka i loloma vei vugona e dua na sere ka me talanoataki tiko kina na nona mai cabeta na i matai ni yabaki ni nona bula, na ka e qai duatani kina na i loloma oqo ni na rogoca tu ga o Jiare kei na nona vuvale na i talanoa ni sere oqo me yacova tale ni ra na rogoca na kawa era na muri mai.
VITI FM:92.2/92.4/92.6/92.0 FM-E-KAMICA-QAI-KAJI
I VUREVURE:EMOSI DIANI
Reader's opinions
Continue reading
![Thumbnail](https://vitifm.com.fj/wp-content/uploads/2024/06/Screenshot-2024-06-14-110308.png)
![Thumbnail](https://vitifm.com.fj/wp-content/uploads/2024/06/Screenshot-2024-06-12-223158.png)