SERE VOU – VUVALE – WAIKATAKATA VURE E DELA NI NUKUVULA
Written by Mika Qalobula on October 28, 2022
‘WAIKATAKATA VUTE E DELA NI NUKUVULA’- Na matasere ka liutaka tiko o Maciu Salauca ka sa vakaitikotiko tudei mai na vanua levu o Amerika,ia ,e sa ratou lagasere tiko kina ena gauna oqo ena na tacina o Lemeki Tunidau,Joe Matai,Ilisoni Dovibua ka ratou laga vata na sere oqo kei Ilaitia Koliniwai,na turaga ka a vola na sere oqo.
‘VUVALE’-E talanoataki ena sere oqo na kena tauyavutaki e dua na vuvale mamarau ka bucini mai Lautoka na nodrau veidomoni na veiwatini gone oqo,ka mai vakavotukana sara na kena mai tauyavu.
O Niumaia Maravou,e dua na cauravou ni Naiyarabale,Vaturova mai Cakaudrove,e a vuli Pailate tiko ena gauna oya donuya na nona gade mai Viti o Tammy, edua na gone yalewa ni Teci mai na Yatu Yasawa me vaka ni a susu ka vakaitikotiko tudei tu mai Serene,mai Ositerelia.
E rau a qai mai sota na lewe rua qo e Lautoka,ka bucini kina na veikilai,ka laki titobu sara na veikilai oya ka yaco me rau sa laki veidomoni.Sa qai mai sasagataka o Tammy na veika me baleti Niumaia me rawa ni gole talega yani ki Ositerelia,ka yaco mai na gauna oqo,sa laki lewe ni vanua tudei tale ga mai kea o koya ka sa sucu na nodrau ulumatua tagane,ka rau vaka vakatokayacataka me yacana ko Ju.
E rawa nio rogoca talega na sere oqo ena VITIFM 92.2FM,92FM,92.6FM.
VITIFM – E KAMICA QAI KACHI!!!
Source – Lemeki Tunidau.
