SERE VOU-WAIKATAKATA VURE E DELA NI NUKU VULA-BULOU NI TAWAVA.

WAIKATAKATA VURE E DELA NI NUKU VULA-Oqo na Matasere,ka kilai levu tu ena noda vanua ena buturara ni veivakamarautaki kei na lagasere,ka kena i liuliu tiko o Maciu Salauca,ia ena gauna oqo me vaka ni sa laki bula tu mai ena vanua levu o Amerika o Maciu Salauca e sega ni vakaleqa na kena cici tiko na Matasere oqo baleta ni sa liutaka tiko na tacina gone oya o Lemeki Tunidau.

BULOU NI TAWAVA-Oqo na Sere,ka talanoataki kina na nona tatadra taki dua voli na goneyalewa ni Tawava,Yawe mai Kadavu e dua na cauravou mai Vanua levu ena levu ni nona domoni koya,ka qai leqa ni se vuli tiko ena Univeseti na goneyalewa oqo.

Ena dua na gauna a gade mai ena City levu oqo e Suva na Cauravou oqo,ka qai toboka na matana na totoka ni rairai kei goneyalewa oqo,ka sa mani nanuma o cauravou me sana laki tarogi koya sara madaga se galala tiko se sa vakaitau.

Ena nodrau veivakabulataki,ka rau veikilai yaca sara,ka sa tevuka e matai goneyalewa oqo o Cauravou na i vola ni nona domoni koya,ia ena nona rokova o goneyalewa na nona kerekere,ka sa mani vakaraitaka vakadodonu sara o koya vei Cauravou ni biuta tu mai na nona vuvale,ka sa tu mai na nodrau vakabauti koya na nonai tubutubu me na mai vuli me rawata na nona vuli mena rawa ni qarava vakavinaka kina na nona bula.

Ia,ena nodrau veitalanoa oqo sa qai kaya vua na goneyalewa oqo,ke rawa vei Cauravou me waraki koya tiko me yacova ni na cava na nona vuli,ia ena gauna oqo o Cauravou se wawa voliga,ka sa oti oqo e 3 na yabaki na balavu ni nona wawa voli.

VITI FM 92/92.2/92.4/92.6 FM-E KAMICA QAI KACHI!

I VUREVURE-LEMEKI TUNIDAU.