SERE VOU-WAKA NI LOLOMA-CAKAU NI YALO

CAKAU NI YALO-Na matasere oqo e lagasere tiko kina na cauravou oqo ko Semi Christopher Vaniqi, na cauravou oqo e se qai yabaki 15, ka vuli tiko e Ahmadiya Muslim College mai Voloca,Dreketi e Macuata.Na cauravou oqo ko Semi e cavu tu mai na koro ko Nanenivuda, Seaqaqa,Macuata,ka vasu e na koro ko Delainawaqa, Wailevu mai Cakaudrove.

E ulumatua nei Marika Vaniqi kei Maria Fong,ka rua tale na tacina gone o Bengamine kei Emori Vaniqi.

E dau vakaitavi taki koya o Semi e na qito na Atheletics, soccer ka dau taleitaka sara vakalevu na nona taledi ni lagasere kei na qiriqiri.

Na matai ni nona vakaitavitaki koya e na buturara ni lagasere oya e na yabaki 2019 kei na matasere na Sea Domoni Kei Namolevu e na sere “Katrina”.
E mai oti tale e 5 na yabaki ka qai vakaitavitaki koya tale e na butarara ni lagasere me mai sevu ni nona sere na Tarabewa, Adi Malevani, kei na Waka Ni Loloma.,me vaka ko ni sa rogoca tiko e na mona livaliva.

WAKA NI LOLOMA-Na sere e baleta na nodrau a mai sota e dua na cauravou ni Tunuloa,E na tokatoka o Naduruvia kei na dua na marama ni Lavidi e na tikina o Nakasaleka Kadavu, ka rau mai veirai e na nona vuli kavetani  tiko o tagane e na Maritime ka vuli tiko o yalewa e na USP.

E rau mai veitokani voli yani me 3 na yabaki ka sa mai bucuni kina na matavuvale lomani,ka sa mai 4 Sara yani na nodrau I solisoli.
E Toso tiko na bula ni matavuvale sa mani yaco Sara na veikacivi me sa gole o tagane i Aussie e na vuku ni qaravi tavi, ka mani tataunaki tu mai na i solisoli vua na Bulou ni Lavidi qo.
E tiko mai tai o tamadratou na gone ka navuca Sara me dua na kedratou sere vakamatavuvale, ka me vakaseavu tu ni vakanananu ,galili kei na oca e na buca ni qaravi tavi, ka sa mani mai buli sara na sere oqo me baleti ratou ka vakatokai toka na yacana me” WAKA NI LOLOMA”-(ROOT OF LOVE).

VITI FM:92.2/92.4/92.0/92.6 FM-E-KAMICA-QAI-KAJI.

I VUREVURE: CAKAU NI YALO