SERE VOU-YALOQU E TAGICI IKO TU-VOQA NI BURE JOKA

VOQA NI BURE JOKA-Na matasere oqo e lewena tiko ko Mosito Karavaki kei Saula Nata, ka vakatokayacataki talega kina me yaca ni matasere na “VOQA NI BURE JOKA” baleta ni rau ka vuli ruarua mai RKS ko Mosito kei Saula, ka rau bure Degei ruarua ka dau kilaitani tu na bure Degei me bure joka, ia na sere oqo na “YALOQU E TAGICI IKO TU” e vola ko Saula Nata kei Mosito , ka katona ko Seru Tawake e na volau ni katokatoni na Rose Studio, ia e qai biutavata ga na kena i yaloyalo ko Mr Apisai Salabogi e na Viqa Production.

YALOQU E TAGICI IKO TU-Na i talanoa ni sere oqo me baleti dua na veiwatini ka yacadrau o Saimoni Naivalu Talemaitoga na cauravou ni Nataloa, Nairai, Lomaiviti  kei Paulini Aditagilala Sakeo na gone yalewa ni Nanukuloa, Saivou mai Ra, ka rau sota e Six Senses Fiji mai na Yatu Malolo e na yabaki 2018, vula ko Okosita me vaka ni rau cakacaka ruarua tiko kina.

E  sa balavu na nodrau sota voli kei na veitalanoa , ka vaka talega kina na nodrau veidomoni voli sa yaco na gauna  me rau sa vau ka sa dua kina na luvedrau na yacana ko Kelepi Bainivalu Talemaitoga.
E yaco talega na gauna ka sa gole o tagane e na yabaki 2021 me  lai cakacaka i ositerelia e na tauni o biloela, e na vanua o Queensland,oji e 2 na yabaki veisau tale na matanicagi sa lai cakacaka tale i serene o tagane,ia e dei tu ga nona dina kei na vosa ni yalayala o tagane vei yalewa me baleta na  veika kece e rau gadreva o rau nona veitinani e Viti e vakayacora e na yalodina o cauravou ni Lomai oqo, ka qai kerea walega o tagane me volai walega e dua na kedrau sere me seretaki ga na yawa ni vanua rau dui tu kina, se mani vacava na kena dede, na nodrau dina me dei tu ga.

VITI FM:92.2/92.4/92.6/92.0 FM-E-KAMICA-QAI-KAJI

I VUREVURE-VOQA NI BURE JOKA