SERE VOU-YAUKUVE SERANADERS-RUI MOSI NA YALOQU
Written by Mika Qalobula on June 14, 2023
YAUKUVE SERANADERS-Na matasere oqo e liutaka tiko ko Maika Nemia ka veivuke vakacuru domo toka yani kina o Akuila Qau kei Pita Voravora,ka vola na nodratou Sere o Manueli Tuinasau.
RUI MOSI NA YALOQU-Oqo nai talanoa ni Sere me baleti rau e rua na veitau,ka rau bucina mai na nodrau veidomoni ena gauna ni nodrau vuli ena Secondary School.
Ena gauna sa laki vuli torocake o Goneyalewa ena tertiary school,sa qai kerekere o cauravou vua na Goneyalewa me vaka ni koya se tikoga ena Secondary school me waraki koya baleta me rau na qai bucina vata ga e dua na nodrau matavuvale.
Ia e qai tukuna o Goneyalewa vei Cauravou ni sana waraki koya,ka na dei tuga ena nodrau veitalanoa,ka mani mai wawa sara tu o goneyalewa qai mai kidacala o goneyalewa ni sa mai kau tani na bula nei gonetagane ena dua na coqa vakadomobula, ka bau yaco na coqa oqo ena noda vanua ena yabaki 2018.
Sa dua naka na mosi tu ni yaloi Goneyalewa ni sa mai biuti koya taudua tu o Cauravou,ka sa liu,Ia sa dua naka na galili ni nona bula na Goneyalewa oqo ni sa mai yali nona ka talei
Ena vei siga ni dau lutu na yakavi, na gauna sara ga koya e dau luluvu vakalevu kina o Goneyalewa,ka qai dau vakavuna me rai balavu ka qai dau ciri tu nona vakanananu.
VITI FM 92FM/92.2FM/92.6FM-E-KAMICA-QAI-KACHII
I VUREVURE-MANUELI TUINASAU
