Sitiveni Rabuka!
Written by Atu Kurumudu on December 24, 2022
Yaco na marau ka rogo na domo ni sere ena kena mai kacivaki na yacai Sitiveni Ligamamada Rabuka kina itutu vaka iliuliu ni matanitu se Prime minister.
Ciqoma o Rabuka e 28 na digidigi ka gole vei Voreqe Bainimarama e 27 na digidigi. A vakatututaka yani na yacai Rabuka na iliuliu ni soqosoqo na Sodelpa o Viliame Gavoka ka vakatututaka yani na yacai Bainimarama o Alvick Maharaj.
E 29 taucoko na idabedabe ratou taukena na isoqosoqo cokovata na People’s Alliance/NFP/Sodelpa ka 26 na idabedabe e rawata na FijiFirst.
Sa oti vinaka oqo e 23 na yabaki , qai mai cabeta tale na i tutu vaka iliuliu ni matanitu ko Sitiveni Rabuka.
E gole talega vei Rabuka nai tutu ni – Minister for Foreign Affairs, Climate Change,Civil Service kei na Information and Public Enterprises.
Gole vua na iliuliu ni NFP Biman Prasad na itutu ni Minister for Finance, Strategic Planning, National Development and Statistic. Digitaki talega o Biman me dua vei ratou na ivukevuke ni Prime Minister.
Ena itutu ni Attorney General and Minister for Justice , sa gole vei Siromi Turaga na kena madigi ena nona a sa mai vosa bubului kina nikua.
Ena kena i tukutuku matata, siko yani ena Fijivillage.com
source:Vitifmnews
