Siya Kolisi kina itutu ni kavetani ena timi ni Sauca Aferika.
Written by Atu Kurumudu on August 10, 2023
Digitaki o Siya Kolisi me kavetani taka na timi ni Sauca Aferika ena nodratou saga me ratou taqomaka tale nai cocovi ni Rugby World Cup , dina ga ni a sega saraga ni bau qito ena dua na valataki vanua ena yabaki oqo. Ia , levu na vakatataro e basika mai vei ira na dau vakamuria na timi ena nona mai lutu na flyhalf o Handre Pollard ka dua a lewena na timi ka rawata mai na bilo ni vuravura ena va na yabaki sa oti.
Kavetani ni Springboks-Siya Kolisi.
Dau ivakadei tu ni i-yatu e muri ni Sauca Aferika ena itutu ni naba 10 o Pollard, ia ni sa mai lutu oqo , sa gole na vakanuinui nei coach Jacques Nienaber , vei Manie Libbok, ni sai koya duadua ga na “specialist flyhalf” kina World Cup e Varanise.
Handre Pollard (mawi), nona via vesuki Manu Tuilagi ena World Cup sa oti.
Rau mai lutu talega na Centre Lukhanyo Am kei na lokaLood de Jager, ka rau lewena talega na timi ka qaqa vei Igiladi ena fainala ni World Cup sa oti, ena vuku ni mavoa.
source:stuff.co.nz
