SOGO TIKO NA WAVU MAI SAWANI ENA VUKU NI TABANA NI WAI.

E sa veivakadeitaki tikoga yani na Tabana ni Wai ena noda vanua, vei kemuni na lewenivanua ni na sogo tiko na wavu e Sawani mai na dua na kaloko me yacova na va na kaloko (1.00pm-4.00pm) ena yakavi ni kua.

E ratou vakaraitaka na Tabana ni Wai ni gadrevi me ra na yadrayadravaki tiko kina na draiva, era na gadreva me ra na vakayagataka na gaunisala cake na Qiolevu.

Ia. o ni sa vakamasuti na lewenivanua ena nomuni tuvatuva vakavinaka ke o ni na via gole cake ki Naitasiri , ka ra sa tiko talega kina na nodratou tabana ena kena vakatakilai na gauna cava ena rawa ni vakayagataki kina wavu oqo.

Na cakacaka oqo, e tiki ni kena vakadrodroi ena nodratou paipo ni wai na Tabana ni Wai e rauta ni 40 na milioni na litre na wai ki na nodratou i pamu ni wai.

Na pamu ni wai oqo e tiki talega ni tuvatuva ni Tabana ni Wai , ni $270 na milioni oya me baleti Viria, Naitasiri kei na 360,000 na lewenivanua e Viti.

VITIFM 92.FM/92.2FM/92.6FM

KAMICA QAI KACHI!

SOURCE: fijivillage