SOTAVI NA KARAMACA BALAVU NI 44 NI YABAKI

Na kena karamacataki tu mai na bilo ni Un-18 Super Deans mai vei  Marist Brothers High School ena 44 na yabaki sa oti,sa mai cava ena vuku ni nodratou sa mai qaqa na nodratou UN-18 ena yabaki oqo.E ratou mai vakadruka na mata timi qaqa ni Suva Grammar School ena fainala ka a vakayacori mai Lautoka ena macawa 2 sa oti,ka mai vakayacori tiko nikua ena Vodafone Arena na kena ‘VAKACIRISALUSALU’.

E ra vakarautaka na soqo ni ‘VAKACIRISALUSALU’oqo na i soqosoqo ni vuli oti na ‘MOB’,ka tekivutaki ena Misa tabu ka vakayacori ena koronilotu ni Lotu Ekelesia Katolika mai Laucala,na Holy Eucharist Parish,ka vakacabo misa kina o Fr.Nimilote Petero,ka tiko talega kina nai liuliu ni lotu Katolika e Viti kei Rotuma o Archbishop Peter Loy Chong.

Ni oti na misa tabu ni vakavinavinaka,sa qai dua na kena tayabe me yaco sara yani kina Vodafone Arena ka laki qaravi kina na vo ni tuvatuva ena vuku ni soqo ni ‘VAKACIRISALUSALU’.

E totoka vakaoti na soqo nikua me vaka nira yaco yani kina nai tubutubu,dau ni veisusu,vuli oti kei ira na i tokani ena kena marautaki nai sausau sa mai tekivi ni oti e 44 na yabaki ka i vola tukutuku tu ena vuvale na Marist.

E ratou mai wasea tiko nikua na lewe 35 na cauravou UN-18 ni MBHS e $7000,ka sa dua na ka na kakana e vakarautaki me baleti ira ka vaka kina, na veivakamarautaki mai veirau na mata sere ni mataivalu kei na ovisa.

Vakarorogo mai ena VITIFM 92.2FM,92FM kei na 92.6FM.

VITIFM – E KAMICA QAI KACHI!!!

PC – MOB.