TATARO ENA VEIVALA,LAI YACO SARA ENA VEIBUTURAKI KA TINI ENA MATE.
Written by Maria Solomone on May 24, 2023
Mai leqa ena valeni bula mai Labasa e dua na marama ,ka buturaki mai vei ratou e tolu na nona lewe ga ni vuvale ena vula sa oti.
Ena i ka 24 ni vula sa oti e nanumi ni a saga o marama yabaki 39 me tarova na nodrau veivala o nona daku kei watina,ka rau qai mokuti koya na veiwatini ena nodratou i tikotiko mai Malau e Labasa.
E nanumi ni a qai saga o watina na marama qo,me kauti koya laivi mai vei rau na veiwatini,ka viritaki koya ena dua na i vaka-ta ka mokulaki koya,mani cicivaki e valenibula ena bibi ni mavoa e tarai koya.
Ena i ka 26 ni siga ni vula sa oti,sa qai dua ga na ganena qai ripotetaka na veika e yaco ki na Tabana ni Ovisa.
Ia, ena mataka ni kua sa ciqoma na Tabacakacaka ni Ovisa mai Labasa ni sa mai leqa na marama qo,ka sa okati na kisi me kisi ni laba,ka ratou sa tomana tiko na kena veivaqaqai.
Ivurevure:Tabacakacaka ni Ovisa.
