TAURI VAKAVESU NAI KA RUA NI CAURAVOU KA KILAKASAMITAKI NI OKA ENA VEIVAKASAURARAWATAKI MAI TAMAVUA
Written by Mika Qalobula on April 5, 2023
E sa mai tauri vakavesu talega nai ka 2 ni cauravou ka kilakasamitaki ni a oka talega ena i veivakasaurarawataki mai Tamavua, ka cowiri wavoki tiko na kena i yaloyalo ena mona livaliva.
Na mata timi ni veivaqaqai ni tabacakacaka ni ovisa e ratou cakacakavata ena vuku ni nona laki laurai mai na cauravou oqo,ka mai tarai sara na nona i tukutuku ena siteseni ni ovisa mai Samabula.
Sa tomani tiko na veivaqaqai ena gauna oqo ka sa kerekere tiko na Tabacakacaka ni ovisa vei keda na lewe ni vanu, me da qarauna ka tarovi keda mai na noda biuta tiko eso i tukutuku ni veivakarerei ena mona livaliva,me baleti ratou na tabaki tiko ena i yaloyalo ni veivakasaurarawataki oqo,ena vuku ni kena sagsai me qaravi rawa mada veivaqaqai.
VITIFM 92.2FM/92FM/92.6FM – E KAMICA QAI KACHI!!!!
I VUREVURE – FIJI POLICE
