TEKIVU ME ROGO KA KILAI NA YACAI PENIASI SERU BOSENAQALI MAI JAPANI.
Written by Maikeli Radua on November 17, 2024
Peniasi Seru Bosenaqali while stiil playing for RKS.
Sa tekivu me vakacakacakai koya na cauravou qo o Peniasi Seru Bosenaqali mai Japani ena buturara ni rakavi.
Ese qai yabaki 16 o Peniaasi ka sa lewena tiko na matatimi ni rakavi ni koronivuli na Matsumoto Kokusai High School, ka rawata edua na kena konitaraki me 3 na yabaki.
Ena nona a tubu cake mai o Peniasi a sega ni dua na gauna me bau qito rakavi kina, baleta ni vakavulicaki koya tu ga ivale o tamana ena bula vaka i vakarau ena nona tereni ka vakavulicaki ena Martial Art Training mai na yabaki 3 kina yabaki 13.
Ena 2023 gauna sa yabaki 15 kina sa qai lewena yani na timi ni Ratu Kadavulevu School ena qito Rugby League ka ratou a qaqa sara kina ena fainala ena Fiji Secondary Schools Rugby ena Under 15 Grand Final.Ka soli talega kina vua na i cocovi ni cauravou qitoqito vinaka ena fainala.
Ena yabaki qo 2024 a mai soli kina vua na cauravou qo edua na sikolasivi me laki vuli ka qito rakavi ena koronivuli na Matsumoto Kokusai High School (Japan) me 3 na yabaki.
Me yacova tiko mai na i matai ni siga ni vula qo o Noveba 2024 e sa qito oti vaka 36 mai Japani o Peniasi, ka i matai talega ni gauna me yacova kina na Matsumoto Kokusai High School na State Semifinal ka sa tekivu tabaki n yacana ena niusipepa mai Japani.
Ena macawa talega qo ena daramaka kina o Peniasi na jersey naba 8 me ratou na qito yani ena Grand Final.
Na bula mai Japani esa vulica tiko na vosa vaka Japani ena i matai ni 8 na vula ka sa toso sara tiko vakavinaka.Edau qiri mai vale ena so na gauna me tukuna lesu mai na veika sa laki rawata tiko ena vanua levu o Japani.
Na kena i tukutuku matailalai vakarorogo tikoga mai ena Vitifm 92.2FM/92.6FM/92.0FM/92.4FM
