O sa bau wilika beka e dua na ivola ni wilivola ka qai bera nomu vakasuka? Au vakabauta ni sega sara ni bera me vaka nai talanoa ni ivola oqo.
E dua nai vola ka yali ma na Hereford school library, a qai vakasukai lesu tale yani ni sa oti e 120 na yabaki.
Ena itukutuku ka volai koto me baleta na kena kau nai vola oqo , e volai koto kina ni dua na gonevuli o Arthur Boycott ka vuli tiko ena Hereford Cathedral School mai na 1886-kina 1894 – e a kauta nai vola oqo ka yacana na The Microscope and its Revelations. A qai sega tale ni vakasuka na gone oqo nai vola. Ia, a mani raica na makubuna o Alice Gillett, ena gauna e sasamaki voli kina ena vanua era bini tu kina nai vola ni wilivola nei tubuna. Gauna sa vakasuka lesu kina nai vola ki koronivuli, sa tukuni mai vua me sauma e dua na itotogi ni kena vakasukai bera yani nai vola.
Arthur, na gonevuli ka kauta nai vola a yaco sara me dua na Professor ka sainitisi talega.
