TOSO CAKE NA NODA TIMI NI FIJIANA ENA FAINALA-VANCOUVER 7s.
Written by Maria Solomone on February 24, 2025
Fijiana 7s :pc-World Rugby
Totoka ka vakasakiti na qito nei Adita Milinia,ka tabaka e vica na sikoa ka vakavuna na nodratou qaqa na noda timi ni goneyalewa,Fiji Airways Fijiana 7s, ratou vakadruka kina na timi kaukauwa ni Javani ena kai 28-7,sa nodratou i curucuru cake sara ga ki na Fainala ni Vancouver 7s.
Ratou tomana tiko ga na nodratou cakacaka vata ni mai cava na nodratou qaqa vei Brazil ena kuata fainala,tabaka kina o Adita Milinia e rua na sikoa kei na dua mai vei Ilisapeci Delaiwau,ka ratou mai liu toka kina ena i matai ni veimama.
Ratou qai tekivu cakacaka mai na timi ni Javani ena i karua ni veimama,ratou tabaka kina e dua na sikoa,mani biuta toka kina e dua na kai veivolekati-12-7.
Sega ni wele noda timi ni goneyalewa ena kena saumi lesu tale,dua tale na sikoa mai vei Adita Milinia.
Fijiana ratou na calidi kei Niusiladi ena fainala ni vo e 19 na miniti me 2,sigalevu ni kua.
Vakarorogo tiko ga mai ena VITIFM
