Tosoi cake na tataqomaki ena ivadi vuni nei Iran.

Ena vica na macawa sa oti ratou a laveta cake kina na nodratou tataqomaki na timi nei Donald Trump ena nodratou a ciqoma e dua nai tukutuku vuni nira sasaga tiko na dau vakacaca e Iran mera vakamatei koya.

Ia , e se bera ni dua nai tukutuku e tauri rawa me semati kina na itukutuku vuni oya kei na nona saga e dua na cauravou ni Amerika me vana mate na peresitedi vakacegu ena nona vosa tiko e Pennsylvania ena Vakarauwai.

E basika talega ena veika ka mai yaco kei na vakatataro e tiko se rawa vakacava vei Thomas Matthew Crooks yabaki 20 me kabata rawa na delanivale ka davo koto mai kina kei na nona volekata yani na vanua e duri toka mai kina o Trump.

Era vakasalataki na US Secret Service kei na timi nei Trump ena ivadi vuni mai Iran. Era taura rawa nai tukutuku vuni oqo na kena dau e Amerika ena kena ivukivuki ka vakatokai na “human source intelligence”, ena nodra veitalanoa taka vakalevu ena mona livaliva mai Iran me vakamatei o Trump.

source:bbc