TOTOGITAKI ME YABAKI 2 VULA 10 KI VALE NI VEIVESU O API RATUNIYARAWA
Written by Maria Solomone on January 10, 2024
Apisalome Ratuniyarawa :pc-Guardian.com
Totogitaki me yabaki 2,vula 10 e valeniveivesu na dauqito e liu ni Fiji Water Flying Fijians Api Ratuniyarawa,ka beitaki ena 2 na cala ni veivakasaurataki kei dua na cala ni veivasagai.
Ea vakavakarau tiko o Ratuniyarawa me mata-taka na timi ni Barbarians ena qito kei Welesi ena Noveba ni yabaki sa oti, ka mani yaco kina na veika e beitaki tiko kina o koya.
Tiko na yabaki ni bula ena 19 oratou na marama ka vakayacori vei ratou na veika qo,ka ratou vakaraitaka ena mataveilewai mai Cardiff Crown ni veika e yaco oqo, e vakavuna mera tiko rere kina.
Vakaraitaka na nona loya o Ratuniyarawa ena mataveilewai, ni madua taka saraga o Ratuniyarawa na veika e vakayacora, ka kere veivosoti me baleta na cala e cakava, ka sa kila vinaka tiko o koya ni sa mai cava saraga ike na nona cakacaka ni qito rakavi.
Ivurevure:fijivillage
Vakarorogo tiko ga mai ena vitifm.
