Tu vakarau na kavetani Siya Kolisi ena sota kei All Blacks.
Written by Atu Kurumudu on September 6, 2024
Vakayacora e vitu na veisau kina timi ni Springboks na kena coach ko Rassie Erasmus wili kina e rua na ‘positional switches’ ena timi kana sota kei All Blacks e Cape Town ena mataka caca ni Sigatabu (NZT).
Vakadeitaki koya tale na kavetani , Siya Kolisi dina ga ni a mavoa ena qito sa oti ena nodratou mai qaqa kina ena 31-27 , na qito ka vakayacori e Johannesburg ena macawa sa oti.
Siya Kolisi ni oti nodratou a qaqa vei All Blacks e Johannesburg.
Gavin Barker/BackpagePix / Photosport
A sega ni vakacavara na qito o Kolisi ni oti e dua na veivesu kaukauwa ka vakayacora vua o Sam Cane na flanker ni All Blacks.
Vakaciciva tale o Erasmus na idabedabe ni 5-3 split ena nodratou itutu ni veisosomitaki ni oti na nona vakayagataka na 6-2 ‘tactic’ ena qito e Johannesburg.
Ena lade ena i matai ni tinikalima na lock o Eben Etzebeth , ni oti na nona mai toka ena itutu ni veisosomotaki ena macawa sa oti ena vuku ni mavoa ni duruna.
Tinia ka vakaraitaka ko Erasmus nina dua na veiqalisominiwai vinaka ena mua ni macawa oqo nina saga sara vakaukauwa na timi ni All Blacks me ratou na qaqa kina.
source:stuff.co.nz
