Ukraine-Vaka nai walewale ni ivalu ena -‘WW1.

Vakilai tikoga na kaukauwa ni veivaluvaluti ena kedrau maliwa na mataivalu ni Rusia kei Ukraine ena city levu o Severodonetsk. Oqo na vanua ka sagasaga derdre sara tiko na mataivalu ni Rusia me taura.

Gauna vata talega oqo, e sega ni cegu na veiraravui e katuvu toka ena yasayasa vaka Donbas. Vakaraitaka e dua ka kena dau ena tuva i valu [military analyst] , nira sa dei na mataivalu ni Ukraine ena i walewale ni ivalu ka kilai ena ‘trench warfare’ ka laurai taumada ena imatai ni valu levu- [World War One]

Vakaraitaka o Volodymyr Zelensky , ni dredre vua me solia na nona i yala ni vanua vei Rusia ni vuqa na lewenivanua e Ukraine era sa mai mate tu ga vakasakasaka ena vuku ni ivalu era sega ni vinakata ka tomana nina ka wale na nodra mate kevaka ena solia na nona i yala ni vanua.

Ena imatai ni valu levu [World War One] era kelia na nodra gaunisala ni veitosoyaki ka vakatokai na ‘trench’ na sotia. E tiko na front line , ka kilai talega ena yaca na ‘fire trench, nai karua ni laini e kilai ena yaca na ‘support trench kei na ikatolu ka vakatokai na ‘reserve trench’.

Na gaunisala ni veitosoyaki oqo e maroroi ira mai na nodra laurai se vunitaki ira mai vei ira na meca.

source:bbc