VAKADIKEVI SE CAVA E VUNA NA TASOVA NI WAIWAI E LAUCALA
Written by Demesi Kakaya on February 21, 2023
E ratou sa cakacaka vata tiko na Tabana ni veika Bula , na Tabana ni Soko (MSAF) kei na Tabana ni Ovisa ena kena vakadikevi na vu ni kena tasova tu ena loma ni toba o Laucala na waiwai.
Vakaraitaka na Vunivola Tudei ni Tabana ni noda I yau bula o Mere Lakeba ni ratou na vakadeitaka mai na nodratou timi ni vakadidike se cava na vu ni kena laki tasova tu ena toba e Laucala na waiwai ka ni na rawa ni vakaleqa na veikabula e loma ni wasawasa ka ratou sa cakacaka tale tikoga ena kena tovolei me kua ni tete na vanua esa yacova na waiwai.
E kuria o Lakeba ni sa kerea oti na nodratou Tabana na veivuke ki na Tabana ni soko oya na kena vakatakilai mai se waqa cava ea takoso ekea ena mataka ena noa.
E veivakasalataki talega okoya kivei kemuni na lewenivanua o ni dau vakayagataka na baravi e laucala ena vuku ni siwa kei na veika tale eso, mo ni qaqarauni me vaka ni na rawa ni yaco eso na tauvimate ena vuku ni kena tasova tu vakaoya na waiwai.
Source : Fiji Village
