VAKARAITAKA NA DAUNIVEIVAKATAVULICI NI TIMI NI WALLABIES NI SEGA NI VINAKA NA NODRATOU MACALA NI QITO

E tukuna na dau ni veivakatavulici ni timi ni Wallabies o Eddie Jones ni sega ni vinaka na macala ni qito e ratou rawata e na qito kei Niusiladi, ka na ciqoma o koya ke vakayacori yani vua na kena veibeitaki.

E vakaraitaka o Jones na i tukutuku oqo ni oti mai na nodratou druka vua na timi Niusiladi e na kai 38-7 e na bogi.

Ni cava na qito ena bogi, e tukuna o Jones ni cava koso na nodratou kaukauwa na nona cauravou ka ratou a sega ni taqea rawa na i vakarau ni qito e vakayacora na timi ni All Blacks ,ka sega ni beitaki i ratou talega na nona lewe ni timi e na vuku ni tikina oya.

E ratou sa vakanamata na timi ni Wallabies e na nodratou na calidi tale kei na timi ni All Blacks ni vo e 25 na miniti me 2 e na  Vakarauwai mai oqo.