VAKASUKAI TALE KI IDIA E LEWE 104 NA LEWE NI VANUA MAI KEA KA RA SA VAKAYABAKI TU MAI AMERIKA.
Written by Mika Qalobula on February 6, 2025
E na dela ni veiliutaki ni Peresitedi vou ni vanua levu o Amerika,o Donald Trump,kei na nona i tuvatuva,me ra sa vakasukai tale ki na nodra vanua na lewe ni vanua mai na veimatanitu tale eso,ka ra sa laki tu yani vakaveitalia mai Amerika,sa ra mani vakavodoki lesu kina e 104 na lewe ni vanua mai Idia ena Siga nanoa.
O ira oqo era sa laki tu ena vei State e Amerika,ka sa vakayabaki na nodra laki tu vakatawadodonu mai kea,ka ra sa vakasukai lesu tale sala muria tiko ga na nodrau veiqiriti ena macawa sa oti o Trump kei na Prime Minister ni vanua o Idia,o Narendra Modi,ka ciqoma o Idia na vakatulewa sa vakatauca oya o Trump.
E namaki tiko me na qai gole tiko ki Amerika o Modi ena macawa mai qo,me rau na qai laki veitalanoa kina kei Trump ena so na i tuvatuva me na tarai cake kina na nodrau dui Matanitu.
I VUREVURE – cnn news
