Vakayacori e vica na veisau kina timi ni All Blacks kina northern tour.

Vakayacori e 3 na veisau ena timi ni All Blacks ena vuku ni mavoa ena nodratou sa nanamaki tiko yani ena qito ni northern tour.

Ratou na calata tiko nai golegole ena siga Lotulevu oqo kei ira na vo ni timi ni All Blacks – Ethan Blackadder (calf), Luke Jacobson (fractured thumb).

Ia, rau sa lewena yani na timi na loose forward ni Hurricanes o Peter Lakai kei na lock ni Chiefs o Josh Lord.

Peter Lakai sana lewena na timi ni All Blacks. Elias Rodriguez / Photosport

E kaya na coach ni All Blacks o Scott Robertson ni na mosi vei ratou na cauravou ka ratou sa mai lutu oqo , ia e nuidei ni dua na gauna vinaka talega me ratou na vakacegu kina vakavinaka ka cakacakataki ratou toka yani ena kena sagai me tuvaki vinaka tale na yagodratou.

Lewe 7 na lewe ni All Blacks XV e ratou na gole tiko kei na timi ni All Blacks ki Japani ena vuku talega ni veisosomitaki se ‘training cover’. Oqori me vakataki : Bradley Slater, George Bower, Fabian Holland, Christian Lio-Willie, Oliver Haig, Harry Plummer kei AJ Lam.

Ena qai laki rawa ni kacivaki o koya me tawana nai ka 36 ni dabedabe ena timi ni All Blacks ena gauna ratou na laki sota kina na timi levu [All Blacks] kei na All Blacks XV e Ailadi [Ireland].

Ena , nodra vakaraitaka na nodra vakasama na dau vakamuria na timi ni All Blacks , vuqa era kurabuitaka tale ni sega ni digitaki o Sotutu me veisosomitaki yani.

source:stuff.co.nz