VEISIKO KI RATU KADAVULEVU SCHOOL NIKUA NA PRIME MINISTER

Written by Mika Qalobula on June 14, 2023

E laki sikova na koronivuli na Ratu Kadavulevu School mai Lodoni ena siga ni kua na Prime Minister ni noda vanua ,o Hon.Sitiveni Ligamamada Rabuka,ka sala muria tikoga nai tukutuku e ciqomi ena vuku ni kena mai kama ena siga nanoa, na bure Sukuna.

Na veitavaki kei na veikidavaki mai vua na qasenivuli liu Mr Ilaisa Waqalala,ka mai talanoataka vua na Prime Minister nai tukutuku me baleta na kama,kei na vakacaca,vakauasivi ena nodra iyaya na gonevuli.

E vakaraitaka talega na qasenivuli liu o Mr Waqalala ni vakacacani vakadua na taba vale e cake ni Bure Sukuna,ka vakacacani vakatikina ga na taba vale e ra.

May be an image of 2 people, people studying and text that says 'SUKUNA HOUSE FIRE Û D0'

Na vakavinavinaka e vakalesuya na Turaga na Prime Minister vua na Tamada sa tabogo, ni ra bulabula vinaka taucoko na 145 na gonevuli ni Bure Sukuna,ka sega ni dua e mavoa se kautani nona bula ena vuku ni kama ka yaco ena siga e nanoa.

Sa veivakadeitaki na Prime Minister ki na Koronivuli na Ratu Kadavulevu School,itubutubu dauniveisusu vei ira na gone ka mai kama nodra Bure,ni na cakacaka vakaukauwa sara na matanitu cokovata ena kena sagai na veigaunisala eso ni veivuke.

E bau laki sikova talega na koronivuli ka tuberi mai kina,na Queen Victoria School mai Matavatucou,ka laki vakabula tu vei ira na Qasenivuli kei ira na Gonevuli.