Veitalanoataki e Dublin na sotasota vou ni qito rakavi e vuravura.
Written by Atu Kurumudu on May 11, 2022
Rawa kina timi ni All Blacks me na dua vei ratou na 6 na timi ena iwase ni vuravura oqo [southern hemisphere] me ratou na laki qito takoso kei na veitimi kara dau sota tiko ena sotasota ni Six Nations ka me vakatokai tiko na -global grand final , mena dau qitori tiko ena vei ya rua na yabaki. Na iwalewale vou ni sotasota ena veitalanoataki sara tikoga ena macawa oqo.
Ena dua na itukutuku ka tabaka na –The Times, era na veitalanoa tiko nai yaraqele ni rakavi ena noda vuravura e Dublin ena Vukelulu me baleta nai ulutaga ni ‘Nations Championship’.
Tabaki talega ena – The Times , ni sotasota vou oqo ena tiko kina na timi ni Viti,Japani, All Blacks,Wallabies,Springboks kei na timi ni Argentina.
Ena vakayacori talega na relegation kei na promotion ena rua na iwasewase oqo – [southern and northern divisions] ia ena sega ni laki vakacacana nai tuvatuva ni sotasota vei ratou na veitimi ka ratou dau vakaitavi tiko ena sotasota ni Six Nations.
Nanumi tiko me caka na sotasota ena Jiulai kina Noveba donumaka na gauna era dau valataki vanua kina se na test windows , me qai laki caka sara na fainala vei rau na timi e rua ena i otioti ni macawa ni vula o Noveba.
Dua na bolebole levu sai koya na nodra vakadonua na veikalavo mai Urope na nodra soli ira mai na nodra dauqito me donumaka na gauna ni sotasota oqo.
Ena gauna oqo , na World Rugby test window e tolu tikoga na macawa, ena vula o Noveba. Ia , sa nuidei tiko nai soqosoqo nina vakabulabulataki na veiwekani vaka qito kei na bisinisi me rawa ni tadola na katuba ni kena sagai na ituvatuva oqo.
Ena dua talega nai tukutuku e tauri rawa , nira sa gadreva talega na vei kalavo rogo mai Urope me dua ga na nodra sotasota me vakatokai na- World Club Rugby Championship , ka rawa meda na sarava kina na nodra sota na veitimi me vaka na Crusaders kei na Blues me rau sota kei na Toulouse se na Leinster.
Kevaka ena mau taucoko na kena veitaIanoataki , sa na dreu dina ga na kena leba , ka dodonu meda na sarava tiko yani na kena tekivutaki ena yabaki 2026.
source:stuff.co.nz
