VEITOKONI O TEVITA IKANIVERE VEI RATOU WOWS KIDS FIJI

E solia na nona veitokoni na kavetani ni mata timi ni Swire shipping Fiji Drua o Tevita Ikanivere, vei iratou na Tabana oqo, na WOWS KIDS FIJI,ena soqo levu ni Fiji Showcase 2023,ka na tekivutaki tiko ena siga ni mataka ena Vodafone Arena Suva.

Na Tabana oqo, na WOWS KIDS FIJI,e qaravi ira vakatabakidua na luveda era se qai sucu ka ra tauvi cancer tiko ena noda vanua, me yacovi ira na yabaki 18(Child Cancer),ka veivuke ena kena  cokonaki na nodra bula ,vakabibi ena nodra dau mai qaravi tiko ena vale ni bula levu e Suva kei Lautoka.ka ratou cakacakavata vakavinaka tiko kina, kei na Tabana ni Bula ena noda vanua.

E vakaraitaka na Team Leader ni WOWS KIDS FIJI,o Mere Williams ni gauna oqo,e ratou qarava tiko e 82 na gone tauvi cancer,ka ra sa mai leqa 7 na gone mai na vula ko Janueri kina Jiune ni yabaki oqo,ia e ratou ciqoma tale e 15 na kisi vouvou ena gauna vata talega oya.

Na veiqaravi eratou vakayacora tiko na WOWS KIDS FIJI vei ira na gone,e wili kina na nodra dau vakauti mai na nodra dui tikotiko ki valenibula,kei na nodra i lakolako lesu,vakauasivi ena nodra dau mai qaravi tiko ena veivula.(their monthly treatment and review.)

E wili talega ena nodratou veiqaravi sai koya na i sau ni medra wai ni mate, kei na veiqaravi vakavuniwai ka dau vakayacori ki vei ira(medications)ka sega  ni tiko ena noda veivalenibula,ka ratou dau vakayacora e so nai lakolako ni kumuni i lavo ena veiyabaki me rawa ni sotavi kina na nodra gagadre na luveda ka ra tauvi cancer tiko.

E ratou sa veisureti tiko na WOWS KIDS FIJI vei keda na lewe ni vanua,ena vuku ni nodratou na tiki talega ena soqo levu ni Fiji Showcase 2023,ka rawa nio laki raici iratou na kena i vakalesilesi ena nodratou booth, ka bau veivuke ka dodoliga tu ena vuku ni nodratou sasaga ena nodra  qaravi na nodra bula na luveda tauvi tauvimate(Child Cancer).

VITIFM 92.2FM/92FM/92.6FM – E KAMICA QAI KACHI!!!!

I VUREVURE – WOWS KIDS FIJI