VESU E 3 NA CAURAVOU ENA VUKU NI BUTAKO MOTOKA .
Written by Rosena Volavola on December 4, 2022
E sa mai tauri vakavesu e tolu na tagane ena mataka e dai , ena vuku ni nodratou kilakasamitaki ni ratou a butakoca mai e dua na motoka e Suva.
E vakaraitaka na Chief Operations Officer ni Tabana ni Ovisa , o ACP Abdul Khan , ni sa vakaraitaka yani na i taukei ni motoka oqo ena tolu na kaloko (3.00am) ena mataka ni kua , ni a butakoci na nona motoka ena gaunisala na Butt Street e Suva.
E tomana ka tukuna o ACP Khan , ni ra sa vakaroti na Tabana ni Ovisa ena kena vakatikori eso na road block ena ceva kei Pacific Harbour, Delainavesi, e Laqere , ka vakatalega kina mai Dokainaisuva kei na wasewase ena Tokalau.
Ia, e ratou a tauri vakavesu na lewe 3 oqo ena va na kaloko (4.00am) ena mataka ni kua .
E sa vakamamasu tiko , na Tabana ni Ovisa o ACP Khan , ki vei kemuni na lewenivanua mo ni dau yalo rawarawa, ena vuku ni nodratou dau vakayacora na Tabana ni Ovisa e so na checkpoint, baleta ni tiko na kena i naki ni kena tarovi se vakasaqarai e so na motoka ,de dau vakayagataki ena butako e so , ka sega ni vakatikori me vakavuna na osooso ni gaunisala.
VITIFM 92.FM/92.2FM/92.6FM
E KAMICA QAI KACHI!!
SOURCE: fijivillage.
