VINAKATA ME WASEA O SUNIA SOKO LOGA NA NONA KILA KA VAKA DAULAGASERE KA VULICA MAI KOREA ENA LOMA NI 11 NA YABAKI SA OTI.

Fiji Performing Rights Association Chairman Mr. Eremasi Tamanisau,Sunia Soko Loga,Laisa Vulakoro and Seru Serevi.

Vakaraitaka na cauravou qo o Sunia Soko Loga ni vinakata me mai wasea vata kei ira na daulagasere e Viti kei keda na lewenivanua na kila ka ka vulica mai Korea me baleta na cakacaka vakadaulagasere ena sere cava ga.

O Sunia Soko Loga edua na cauravou ni Ogea mai Lau a vakaitavi oti talega ena veisisivi lagasere ena Vodafone Mic Show ni bera ni qai gole i Korea ena yabaki 2010, ka soli vua edua na Sikolasivi me lai vulica na i vakaitagi kei na nona vakatoroicaketaka na nona cakacaka vakadaulagasere. 

Esa yabaki 32 o Sunia ka sa 11 taucoko na yabaki na nona tiko voli mai Korea, ka veivakurabuitaki sara ni sega saraga ni kila na vosa va Korea ena gauna a biubiu kina me laki vuli, ka sa rawata oti mai na nona Masters Degree in Music ka vakavulicaki vua ena vosa va Korea.

Ena nona tiko voli talega vakavuli mai Korea o Soko a vakaitavi talega ena dua na veisisivi lagasere ka vakatokai na JDBC ka laki Semifainala sara kina.

E a vakaitavi talega o Soko ena dua na veisisivi lagasere rogolevu mai Korea ka qaqa kina ena nona lagata na sere Isa Isa Vulagi lasa Dina ka lagata ena vosa vakaviti kei na vosa va Korea.

Ena siga vakarauwai na i ka 26 ni siga ni vula qo o Maji ena veivakavulicaki tiko kina o Sunia Soko Loga ena Vocal Techniques, Breathing Techniques,Rehearsal Techniques kei na Stage Performances, ka na vakayacori tiko na Master Class qo ena FTA Hall ena Knolly Street e Suva mai na 10am – 6pm. Eda sa sureti kece kina na daulagasere kei keda kece na lewenivanua eda via vuli.

Nai curucuru e tauya $10-00 walega na dola, ka rawa ni saumi yani ena valenivolavola nei FPRA e Suva.

Kena i tukutuku matata varorogo tikoga mai ena Vitifm 92.2FM/92.0FM/92.6FM