Voleka sara!

Soli na Yellow card vei rau o Anton Lienert-Brown (All Blacks) 65min kei  Caleb Clarke (All Blacks) 72min.

Ena dei tale na Bledisloe Cup e Niusiladi, ia, e lutu saraga na nodratou i-cegu na All Blacks kei na nodratou vakacegu ni mai cava na qito ena kai 31-28. Oqo ni oti na nodratou ravu lesu mai kina na timi ni Wallabies ena ikarua ni veimama ni vo toka e vica na miniti me oti na qito ena nodratu a sota e Serene ena yakavi bogi ni Vakarauwai.

Cortez Ratima kei Will Jordan ena sota kei Wallabies e Serene.
David Neilson / Photosport

Tadodo ki liu na All Blacks ena nodrau mai binia na kai 21-0 ena imatai ga ni 15 na miniti. Dua na ka e vakaleqai ratou na itaukei ni rara oya na berabera ni nodratou bonata na nodratou laini ni tataqomaki na vanua ka ratou cakacaka saraga kina na timi ni All Blacks.

Ena ikarua ni veimama e vaka e liwa na cagi tokavuki ni ratou sa qai raica na Wallabies na ka e rawa ni ratou cakava me laki yaco sara ena kena soli kina timi ni All Blacks e rua na pepa dromodromo. Tukuni ni qai dua na sota bula ni sa dede na gauna sa qai laurai tale e dua na timi ni Wallabies me vaka oya na matanimeke e ratou vakayacora.

Rauta nira lewe 68,061 era sarava na qito ena mua ni macawa.

source:stuff.co.nz