Wawa tu na timi ni Blues – Hurricanes se Chiefs?
Written by Atu Kurumudu on June 15, 2024
Ena dua vei rau na timi oqo – Chiefs se na Hurricanes ena sota kei Blues ena fainala ni Super Rugby ena macawa mai oqo.
Totoka sara na matanimeke e ratou tuvana na timi nei Vern Cotter ena nodratou mai vakadrukai Brumbies ena kai 34-20 e Eden park ena bogi.
Ratou mai tabaka rawa e 4 na sikoa ena nodratou saga me ratou laveta na bilo ni Super Rugby.
Sam Darry – ni oti nona tabaka e dua na sikoa ena timi ni Blues.
PHIL WALTER / GETTY IMAGES
Sa tu e matai Vern Cotter na katuba ni nona rawa ni veisautaka na mosi kei na rarawa e dau sotava na timi ni Blues kei ira na kena dau ni veitokoni ena veigauna sa oti ena kena dau sagai me laveti na bilo levu ni Super Rugby.
Na Blues ena veiyabaki , era dau lewena na cauravou ka tu vei ira na taledi ni qito rakavi , ia sa dau vakavuqa me ratou dau yaco koso tikoga. Otioti ni gauna e laveta kina na icocovi na Blues ena 2003.
source:stuff.co.nz
