YASI BOI YAWA NI CAGI TOKALAU-DRAGALIA – SERE VOU
Written by Mika Qalobula on February 11, 2022
E dua tale na matasere vou e sa baci vura ena butu rara ni vei vakamarautaki sa i koya na matasere na ‘YASI BOI YAWA NI CAGI TOKALAU’,ka ratou cavutu mai ena koro vakaturaga o Natuvu,Saqani mai Cakaudrove ena veiliutaki maqosa nei Pita Sorowaqa.
Na matasere oqo e ratou mai katona vou edua na nodratou sere vou ka yaca ni sere na ‘DRAGALIA’.E talanoataki ena sere oqo e dua na veidomoni ka rau bucina e dua na cauravou ni Vanua levu kei na dua na gone yalewa ni vanua vakaturaga o Burebasaga,ka vakaitikotiko tudei mai Perth,ena vanua levu o Ositerelia.
E loma ni nodrau veitau tiko oya ni oti e 4 vakacaca na yabaki, mai yaco e dua na veilecalecavi ka sa vinakata kina o gone yalewa me sa mai tagutuva na nodrau veitau,dina mada ni sa via balavu toka mai na kena soko. E tarai cauravou vakabibi nona sa via vakasuka na goneyalewa ni Burebasaga oqo,qai kuria na veiyawaki ni vanua ka tawasei rau tu na wasawasa.Na sere qo,e talanoataki ga kina na nona vakanananu o cauravou,salavata na gagadre me semati tale nai buki ni veiwekani ,Ia ena gauna kece oya,me vaka ni sa ‘DRAGALIA’ vua na bula e Viti. Na uto ga ni sere e toka ena kena chours, sai koya nona tukuna tiko o tagane ni, “Kevaka walega mo kila na dredre oqo. Daulomani ko sa dro yawa vei au. Niu ciri ena galili Mo vueti au Mai na leqa oqo Deu na qai luvu no”
E rau vakacuru domo talega ena sere oqo o Joseva Levu,nai liuliu ni matasere na ‘CAKAU NI MANA KEI ULUINAVIRIVIRI’,kei Taniela Mavi,nai liuliu ni matasere na ‘DRODROLAGI KEI NAUTOSOLO’.
`Vakarorogo mai ena VITIFM 92.2FM,92FM kei na 92.6FM.
