Current track

Title

Artist

Background

5 NA QITO NEI SINGAPORE E VITI – NETEVOLO

Written by on May 25, 2022

Sa mau na veitalanoa ka vakadeitaka ni kua o Netball Fiji ni ratou na tadu tiko mai Viti na timi ni Singapore ena Vakarauwai saraga oqo me ratou na mai qitora e 5 na qito ni va-katakata eke kei na noda timi.  Qo e tiki tiko ga ni nodrau vakavakarau na timi e rua ki na sotasota levu ni Netball World Cup Qualifiers ena yabaki vou.

E ratou na qito vakatolu kei na Fiji Pearls, ka yadua na qito kei na timi ni Fiji Men’s team kei na Fiji 21. E kaya o Annette Bishop, na head coach ni timi mai Singapore ni sa tu vakarau na nona timi me mai vakaitavi ka kaya ni vukei ratou vakalevu na nodratou a vakaitavi voli mai ena PacificAus Series mai Serene. Sa kakavaki talega ko Sigapore ki na sotasota levu ni Asian Netball Championships enaika 3 ki naika 11 ni Seviteba.

E kaya na vunilewa ni Netball Fiji o Vivian Koster ni sota ena caka qo ena vukea vakalevu ga na nodratou vakarautaki vinaka na noda goneyalewa timi ni Fiji Pearls ki na World Cup Qualifier. Qito ena tekivu ena Moniti na i ka 30 n Me, ena veimama ni 6 ena yakavi ena Vodafone Arena.

 

Source: Netball Fiji

Image: Singapore Netball


Reader's opinions

Leave a Reply

Your email address will not be published. Required fields are marked *