600 na Vuni Maruwana e cavuraki mai BEQA.
Written by Meliki Kuila on August 7, 2022
Vakabauti ni 600 na Vuni Maruwana e cavuraki mai na dua nai teitei mai Beqa.
Vakaraitaka na Chief of Operations ni tabana ni ovisa o ACP Abdul Khan ni a qai laurai na i teitei oqo e na kena a biu cake e dua na ‘drone’, e ratou qai vakamuria na timi ni ovisa yacova sara ni ratou kunea.
PC: fijitimes 2018
Tomana o Khan ka tukuna ni a vakayacori edua na bose ni Mata ni vei Turaga ni koro kei na mata ni vei Tikina e Beqa kei koya na Liuliu ni Ovisa ena wasewase na ceva o Pita Keni ka rawa vinaka sara kina e dua na tuvatuva ni “drug operation” ena yanuyanu.
Tomana o Khan ka varaitaka ni taucoko na veitokoni ni Vanua kei na kena tutaki na i tovo ni vanua mai vei ira na veiliutaki, ka ra vakadinadinataka na kena vakadeitaki tiko na tamusuki ni kena teivaki ni Maruwana e VITI.
E ratou cakacaka vata na Tabacakacaka ni “Police Response Unit” kei ratou mai na wasewase na ceva ena nodratou gole yani me ratou lai vakadinadinataka na teivaki ni Maruwana e Beqa, ka ratou sa vakasalataki vinaka yani ena veika me na vakayacori.
PC: fiji village
Vakaraitaka o Khan na nodratou vakavinavinaka ena nodra veitokoni na Liuliu ni Vanua, ma vaka ni dau vakadreta tiko na Commissioner ni tabana ni ovisa, na kena valuti na waigaga ni veivakamatenitaki e na noda vanua, ena rawa vinaka ga ke taucoko na veitokoni ni lewenivanua yadudua, kani waigaga e tu vata na kena revurevu ena noda bula, vuvale kei na i tikotiko.
Tomana o khan ka tukuna, mai na vanua e ratou takete taka tiko ni vakayacori tiko kina na tei maruwana e ratou ciqoma vata talega kina nai tukutuku ni vuqa tale na vanua e sa vakayacori tiko kina na tei maruwana, ia na gauna ga sa na vakadeitaki mai kina eratou sa na cakacaka sara kina vakatotolo na taban ni ‘WATERPOL UNIT’ me ratou na vakauta kina na nodratou timi.
PC: Fiji Viilage
Tauri rawa tale mai e vica vata nai tukutuku me baleta na kena teivaki tiko na maruwana ena so tale nai teitei ena yanuyanu, ka ratou tomana tale tikoga na Tabacakacaka ni ovisa na nodratou cakacaka.
Tauri vaka vesu edua na turaga yabaki 30 ni oti na kena laurai vua eso na draunikau vakabauti ni maruwana, ka sa tauri vakavesu tiko vei ratou na ovisa.
Vurevure: Fijivillage
Vakarorogo tiko mai ena VITIFM 92.2/92.6/92 FM
