LA 7s: QAQA NA NODA TOA NI VALA VEI JAVANI ENA KAI LEVU 50-0
Written by Atu Kurumudu on February 26, 2023
E vakasakiti na nona qitoqito na cauravou o Iowane Teba ka ni mai tabaka e 4 na sikoa ena nodratou matai ni qito vakatobu ena sota kei Javani ena sotasota ni Los Angeles 7s ena mataka nikua, ka ratou mai qaqa ena kai 50 kei 0 na noda timi ni lewe ya 7.
E ratou mai yadua na sikoa o ilipo Bukayaro, Waisea Nacuqu, Manueli Maisamoa kei Rokoua Rasaku.
Ena so tale na macala ni qito, Peretania vakadrukai Argentina ena kai 7 kei 5, Samoa qaqa vei Amerika ena kai 26 kei 19, Niusiladi vakadrukai Chile ena kai 26 kei 7, ka qaqa na timi ni Keniya vei Ositerelia ena kai 12 kei 7.
Ena karua ni qito vakatobu nei Viti e rau na sota kei Keniya ni oti na 10 ena 18 na miniti ena mataka nikua, ni bera ni rau sota kei Ositerelia ena nodratou otioti ni qito vakatobu ni oti na 2 ena 5 na miniti ena sigalevu talega nikua.
Na kota-fainala ena tekivutaki ni oti na 6 ena 23 na miniti ena mataka ni mataka, Semi Fainala ni oti na 10 ena siga talega ni mataka, ka na qai vakayacori na Fainala ni oti na 1 ena 28 na miniti ena sigalevu talega ni mataka.
********
